| Melon標本鑑賞室's profile~~~Melon 解剖實驗室~~~PhotosBlogLists |  Tools  Help |
~~~Melon 解剖實驗室~~~快D睇相片入面既「我的王國」!有好多靚靚既蛋糕架^^ November 18 12月14日黃埔YO PARK 小肥豬CD RELEASE PARTY呢排心情差到極點... 好差好差.... 好煩好煩... 好忙好忙...
好開心, CK妹妹拍拖了... 你打比我個陣同我講, 我真係開心到大嗌, 哈哈~~傻左呢..
朋友們, 請留意!!!!!
小肥豬終於係12月14日出首張亦係最後一張大碟,
CD入面有10首我地自己創作既歌 + DVD入面有3個MV
12月14日小肥豬會係黃埔YO PARK入面有個CD Release Party,
好希望好希望到時可以見到你地, 好期待你地黎支持小肥豬!
話晒都係我自己第一次有份出碟, 我相信你地會支持我吧^^
到時會有HARDPACK同THE TRAIN做嘉賓, 約埋你地既朋友仔一齊黎玩呀!!
愛死你們啊^^
呢個SHOW可能會係我告別小肥豬既SHOW, 所以我真係好希望我所識既朋友可以陪我過渡最後一次...>.<... 謝謝^^
要決定上京一D都唔難... 最難既係要放棄一D既野!
想通了... 便要抽身離去!
最唔捨得係小肥豬, 大大話話都一齊過左2年, 夾野, 出SHOW, 去台灣
由開頭出SHOW小貓三四隻, 仲要比人係網上狠狠批評, 真的有D難受, 但我們都捱過
亦係其中二個比賽入面, 攞到二次最佳台風獎(有人認同和對自己既肯定吧!) + 最佳原創歌曲獎 (762最強!!哈)
二次係維園ROCKIT(算係香港最大型既BAND), 第一年玩仲上埋南華早報頭版tim... 個台好正, 夠大, 可以比我行黎行去, 哈哈~~
仲識到好多band既朋友, 仲有chris等等.... 第二年, 我地仲出埋band T
二次去台灣春吶(台灣三大BAND SHOW! 氣氛正到暈, 一世難忘, 雖然佢地都唔知我唱咩, 但投入度一絕,
第一年, 唱到最後既一首時, 全場所有人起身, 行近台前, 一齊跳, 一齊嗌, 感動死了, 好可惜無時間玩, 第二日早上就飛返香港lu...
第二年, 仲激, 由頭至尾個FEEL都好正, 又係跳晒嗌晒, 最驚嚇有人MOSE PIT....SHIT!!!!哈哈~~
就算落雨佢地都無走過, 好感動, 但我就... 焗+熱到就黎暈!!有小小時間我真係唔係好掂, 好彩亞國知, 佢幫我頂左一陣
呢一年, 仲有間HOUSE比我地住, 個環境好度假FEEL, 超正, 我地係個度都玩左3日, YEAH~~
人多就自然多意見, 但我地都算好好吧, 到而家都keep到2年左右啦, 有d band可能都係keep到幾個月...
我由識762就開始同佢夾野, 哈~~ 都4,5年吧...由無名 --- 762大樂隊 --- 小肥豬合唱團 --- 小肥豬
7生永遠都係我最尊敬最祟拜最愛的大佬, 佢比左好多我!!! 唔係佢, 我諗我呢世都做唔到由細到大既夢想! 同做我鍾意既野!!!
好唔捨得...勁唔捨得你...同小肥豬既一切!!!
人...總有d唔捨得的, 家人, 愛人, 朋友
but~~~ 又唔係去左以後都唔返黎既, 哈~~~ 掛住我既, 買左我隻碟, 咪可以成日見到我同聽到我把聲囉, 哈哈~~
我知道錫我同愛我既人, 永遠都唔會離開我的, 就比個機會自己創下吧!
係時候學下獨立! 為屋企又好為自己都好啦!! 我會努力, 我一定得的!
就算幾難捱, 我相信我都捱得過! 我知道我身邊總有你們支持我的!!!!!
August 26 返新工二星期了頭個日返工有ｄ緊張， 去in個陣....
嘩~~~~~ 差不多全公司都係女生..... ooooooooooooooo
唉..... 算啦...哈~ 工作上都唔太大感覺~~~ 睇開d便算吧~!!!
又要減肥了..... 成功減左5磅, 點知... 星期日影相同拍mv又要延遲下一個星期~~
算好定壞呢???? 一半半啦.... 我唔滿意減得唔夠多, 但又想快d攪掂就唔洗心掛掛...
琴日睇神奇膠好正... 好FUNNY~~~ 但我好累了... 又FING又跳....哈哈~~
場SHOW真的好睇呢....HOMELESSALIEN勁有驚嚇!!!!!! 好好聽, 正!!!
我要開始計劃下... 下年3月去西藏!!!! 好可惜.... 我身邊既人個個都唔想去．．．
無人陪．．．好彩我唔怕死的．．．． 自己去仲好FEEL...哈哈!!!
儲錢儲錢儲勁多錢呀~~~ YEAH~!!!! 可惜而家又搵得小...... SHIT!!!!
我去街街.... 勁無聊個陣又打過啦...哈哈~~~ July 09 朋友~~~「你們好嗎?」呢個星期, 每一晚都睇返好耐無聯絡的朋友既XANGA,
真的很感觸... 很懷念... 我很想你們啊~~~~~~~~~~~~~
以前讀書時... 雖然我地唔係同一班, 但感情好到不得了..
小息時大家一齊玩... LUNCH一齊打排球, 打交, 嘈交....
放學已不需要什麼約定... 大家好自然係福安or海皮見...
一齊食煙, 一齊玩... 夏天既時間大家都會係亞姐度買冰菠蘿
冬天就算很涷, 都會一齊捱涷.... 係海皮一齊高歌
無錢時, 大家一齊夾錢買煙, 還記得亞姐個度買要成2蚊一枝仲要係大陸煙
三年入面, 大家曾經有不和, 但很快沒事了... 只是孩子氣吧!
到中三那年... 大家都升不到中四, 但我好記得, 大家都係大家的紀念冊上寫著
「friendship forever^^」
但原來呢一句既說話... 真的不易做到>.<
中四時, 大家都去到唔同學校or地方升讀, 也有些人開始佢既社會大學
睇返你地既xanga, 大家都成長了很多很多...
當我睇到佢地工作, 戀愛, 家庭不如意時, 我真的很傷心,
係你地失意時, 我陪唔到你地, 好對唔住!!!!
係你地開心時, 我好遺憾... 分享唔到你地既喜悅
時光飛逝... 咁就差不多7年了... 希望你地仲記得我啦...
我愛你們啊~~~~~~~~~~~~~~~~ June 20 一星期的事...呢個星期, 太得閒lu.. 晚晚都係kenson 個 ftp 拎戲呀~ 卡通片睇, 嘩哈哈哈~~
睇左「醜女大番身」, 嘩~~~ 好睇喎... 好感動呀!!!
可能自己都試過好肥, 差不多140磅 + 32-33吋腰,
成日比人串, 連我鍾意既人都話唔會搵隻豬做女朋友
但又好白痴地為佢減肥, 減到傻左.. 哈哈~~~
有套叫「雲水謠」, 聽到未聽過, 見無乜野好睇就拎埋啦, 嘩哈哈!
簡直係驚喜呀~~~ 好好睇呀!! D景拍得好靚 (開頭) ,
王碧云好慘... 終於有個男人消息既時候, 個男人已婚了... SHIT!!@!
無晒青春lu... 仲要勁好地照顧埋佢老母.... ooo.. no
但其實個男人又唔搵個女人既? 又唔寫信比佢既?
跟住有我好想睇既, 「Dream GIRLS」
好睇呀都, 唱得好正呀!!! 好好聽呀!!
用唱黎表達所有既野, 妙極了^^
仲有一套動物片呀~ 唔記得叫咩名, 係講獅子食人架,
都有幾個驚嚇位, 同埋好攪笑囉, 有度好明確係KEY個獅子樣上去囉...
套戲其實OK架, 不過佢個ENDING做得太差了, 交代得都唔好既,
無啦啦就GO HOME, 上返架車都仲有一段距離吧! 哈~~~ 奇怪!!
仲有一套係講老鼠的, 又係唔記得叫名lu... 嘩哈哈!!!
又係好睇架... 好傳統既動物病毒入侵人類... 哈哈@@
仲有睇返周星星既舊片, 就算睇幾多次都仲笑得出, 超勁呀!!!
早前係二姐走之前, 一家人一齊出去食步飛,
包括係慶祝... 大姐生日.. 老豆節... 同埋老媽生日... 嘩哈哈~~ 勁呀!@!
因為二姐要9月7日先返黎, so... 全部提早做晒, yeah!!! 餐飯即刻抵左^^
去食步飛, 我當然由頭帶到尾都係食甜品同雪糕啦~~~ 嘩哈哈!!! 不過D雪糕好似......
仲有相相睇tim.... 嗯....好靚啊^^
呢幾日...同我的好朋友飲野...
但琴晚好攪笑, 無啦啦CK爆出「好似二個怨婦坐左係bar枱」
oooo... shit@!!! 幹什麼??? 怨婦... 哈哈~~笑死人咩???
但琴晚大家都好靜... 心情不爽? 應該不是~ 但.. 幹麼?
靜靜地飲著, 輕輕呼出一口煙... 嘩~~~~Good!
絕對好過嘈死人, 講野要大大聲既BAR!! hehehe^^
回想起, 以前我同CK 都話, 唔結婚唔生仔的!
哈~ 點知而家大家都好一致地返口... 哈哈~~
真係年紀大左lu... 竟然想有自己的一個家, 太恐怖啦~~~~~~
但我又想成世痴住我老豆老媽喎... 哈哈~ 佢兩老永遠都係最錫, 最蹤容, 最容忍我既人... 呵呵^^
唉哎... 勁SHIT呀~~ 剪左頭髮... 竟然10個有9個話唔襯我, 唔好睇... SHIT x 1000000000
唔洗做野住既我.... 肥左勁多呀~~~~~~~~ 點算點算>>>>??????? oooo.... no...
但雪糕薯片實在太吸引啊^^ June 14 啦啦新婚快樂!曾經很愛很愛的人...
星期六2007-6-16 要結婚了, 恭喜恭喜!!
願你同fun永遠快樂, 百年好合, 年生貴子, 哈哈~~!!
得閒出黎食飯吧@@! 呵呵...不過係你請, yeah!!!! May 18 春天吶喊台灣同香港真的差太遠了...
台灣人真的會去欣賞人地既音樂!
即使唔係自己鍾意既類型, 佢地都會聽,
至少就算唔好, 都唔會話你不是...
今年春吶真的很好啊^^
每隊band都有自己獨立既屋... 仲要幾靚tim...
不過個廁所就..... 哈哈~~~~
呢一次show, 可以話係小肥豬最好氣氛既show!!
D人真係好正... 竟然有人MOSH@@!!!!
中段仲落大雨... 但都不減佢地既熱情
仍然堅持睇晒我地成場SHOW!!! 勁感動!!!
而我.... 唱到中間... 突然透唔到氣... 眼前黑晒...
因為太熱... 我又FING得太勁了... 哈哈~~
幸好有亞國頂住...唔係死梗了...哈哈!!!
有小小相睇住先... 其實仲有好多相都好正...
不過下次先再POST啦... 要努力工作了...呵
討厭點解我咁黑你憎既？？？
我幾時得罪左你呢？？？
曾經有人說你是不可以得罪的，我知道！
我對你己小心翼翼地對待～十分恭敬的！
我錯在那？死得不明不白囉！
定係我人緣係咪真係咁差，咁黑人憎呢？=.=''
我真係暈係度了........
May 04 哈哈哈哈!!!生日快樂呀!!!!豬K今日的大發現....
要跟多一個節目 「健康解碼」
上文提到... 份工好似爭咁d野....
但....今日....總算有返希望!
希望係呢一集既時間學最多既野...
希望希望~~~~ 哈哈!!!
點樣先可以記性好d呢???????????
好眼訓....好眼訓....差不多晚晚都快要天光先訓....
好大個黑眼圈了....哈
連續幾日都早起身陪老媽飲茶... 超勁...
之前半年可能先飲得1-2次....哈
快到母親節買咩好呢??????
jackass超好睇....哈~笑死人咩....嘩哈哈~~~~
勁眼訓..........zzzzZZZZZZZZZZzzzzzzzzzzzzzzzzzzzzzzzzzzzzzzzz
比人投訴好耐無蛋糕食tim....shit!@!!
真係要搵日得閒攪攪佢先...哈哈!!!
係喎...仲有之前係去台灣出show既野都未講tim...
仲有靚靚既相都未擺上黎tim...
哈~~~ 都係下次得閒先打了...呵
點解台灣既bandshow同香港會有咁大分別呢???
點解香港唔係可以用欣賞既態度去睇show呢????
點解呢點解呢可?????
最後....我的好朋友 「生日快樂!!祝你願望成真~早日嫁人吧!!呵」
很久無同你家人吃飯了... nice day
希望你鍾意份禮物吧!!!! yeah~~~
April 30 PA人生返左一個月左右... 明白到...
你對份工好興趣.. 並不代表適合做呢份工...
人大了... 諗長線D... 我忍受不到十年都無加人工...
唔靠關係... 要成廿幾年先監製??? 人工仲要得咁小???
電視圈既前景.... 一片黑暗!!! 哈哈~~~
不過唔做過我不會甘心的... 不要同我講馬後炮既野!
轉行????.... 哈~~~ 500蚊行是靠你啦... 哈!
再算吧!!!哈哈~~ March 19 驚驚聽日要返醫院了...
第一次係無人陪既情況下入醫院~ 巧驚驚...
今晚要除定D耳環同埋手鏈... 唔係無人幫我帶走...
好耐之前入親醫院都有媽媽特登請假陪我... 一齊驚... 哈~~
上年開始就搵ReD陪我... 因為我媽媽以為我好返晒, 唔知我仲要入醫院~
我同老豆都傾過, 唔好比我亞媽知而家個情況,
因為我地一致認為佢一定接受唔到, 會傻左, 哈哈~
而家ReD都有工搵lu... so 自己黎啦...
唔知聽日會點呢??????????????????????????
放左差不多半年既假啦, 星期三終於要返工啦... 哈哈~~!!!
要加油努力... 嘩哈哈!!!!
同埋希望去台灣個幾日可以放到假啦... 呵呵^^
今年個運真係幾好... 500蚊果然係唔同D... 嘩哈哈!!!! March 16 恭喜我啦!快Ｄ恭喜我啦， 我快有工做了．．． 呵^^ 終於轉到行啦...太好了
PA = 副導 (咁激?) 係咪架馮生?
THX勁靚仔既八神!! 多謝師父&大家既念力啊,哈哈~~~
今年又入左春納了... 死啦, 唔知比唔比請假呢? 好擔心呢...
如果真係唔得既.... SORRY小肥豬啊>.<
為左春納我地拍左個MV, 可以去YOUTUBE SEACH 小肥豬 我家小黑咪
今年春納真係好正... 各方面都好過上年好多... 好想去啊~
ROADSHOW效應~ 呢幾日不停有人同我講ACTION.... SHIT!!!!
好耐無寫野啦... 事緣前排心情差到無人有... 黑仔到你唔信... 同埋懶啦... 哈哈!!!
差... 好... 差...
我隻'物'仔, 有禮物了... 有好多朱古力啊^^ 謝謝!!!
下星期又再覆診... 希望一切會好吧!
好多粒粒呀~~~ 攪咩呢... 好肉酸呀隻手>.<
日日都晨早流流起身... 白痴架!!!!!
February 08 差差差心情仍然差爆.... 是我的MM快來影響了嗎?
有問題.... 無問題.... ?
方向(THX國) .... 但結果.... 再算吧!
很久沒拿MP3聽了, 怕聽唔到電話響...
即刻聽... 也較到很細聲...
現在... 或許不用了。
每一刻都在期待~ 電話已在手中... 仍然看有無未接來電~
真是很白痴呢... 明明較了又震又響... 還怕無啦啦轉了無震無響...
等待既心情真是令人又期待又沮喪...
我相信是我還未習慣吧!!!
等待時... 向不主動點呢... 呵呵^^
February 06 快樂過後.....2月3日undergound識到新朋友, 菲比 & 亞苯, YEAH^^!!
好開心的一場show~ 我的偶像讚我啊^^( 飄飄然的感覺啊!)
繼show後... 我的心情直線下降>.<..... 壞透了。
大掃除... 眼訓到暈... 只睡了二小時... 想死!!!
高空工作... 突然暈暈地... 從未試過~
扭毛巾... 手指公甩皮... 發炎了。
很快地差不多4點就完成...
之後14個人去打PATPAT~~
呢一個星期可以休息下了。GOOD!
下星期開始就是八個月的課程了
很擔心.... 有壓力... 怕遺忘了.... 煩。
還有考驗... 死梗了。 不想.... 不想... 還在想....
這些日子真的不好過....
快椆謝的花能再綻放嗎?
印象已定型, 即使改了, 有用嗎?
寫錯了字, 塗改了, 也會留有痕跡的。
信念還堅守著... 有用嗎?
January 29 精神分裂?!上星期開始有精神分裂.....
每晚上床休息, 一訓著時.....
oooo.... fuck... 好似無訓過咁...
每一個夢都係接返我就訓之前做既野...
之後好似新既一日(其實我係發緊夢的! 實在太真了!)
極奇怪~ 攪到我而家自己係發夢呀? 定係真實呀?
例如: 今日我要返學的, 但我琴晚既夢經已發左我今日整日既事...e.g. 食飯... 做功課... 等等
我能預知未來? 定係死期將近? 實在太恐怖了。
上星期開始感冒了。(是我病了才有怪夢出現?)
口淡淡... 勁累...
於事每日狠狠地吃一大包薯片(至少), 糖, 朱古力! 嘩哈哈~~
呀~~~ 唔錯喎... 個人係好似精神左....雖然仲有鼻水... 但....
可惡... 喉嚨勁痛... 大鑊>.<
決定.... 今個星期開始戒熱氣野, 星期六有show啊!!!
你要努力啊... (我知你會的!) 這真是非常難得的機會!
等到了。全力支持^^
小心人事關係啊
 玩完呢一星期就到八個月啦!
今日一睇本書時, 見到尾尾寫住「--完成--」
OOOO.... 太令人感動了。
過完今個星期... 又有一個新開始了。
真的是輕鬆八個月?!
緣好重要, 有緣才能相識....
份更重要, 有份才能結合....
現實中, 實在太多有緣無份了。相逢恨晚.....
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
|
|
